【專家分析】百勝值博率餐飲股中最高
【分析】 2025/02/04 16:13

【Now財經台】百勝中國(09987)將於周四(6日)收市後出業績,摩根大通估計,集團去年第4季同店銷售跌1.6%,但收入及每股盈利料按年增長4%及12%,雖然摩通下調百勝美股目標價,但香港股價近期呈橫行格局,若盈收一如摩通預期有增長,應該點做部署?
天風國際證券經紀業務部董事李偉傑指,大行對百勝睇法審慎,主要係對內地經濟前景嘅睇法較保守,估計百勝去年第4季業績表現一般,不過,喺幾隻餐飲股中,百勝股價表現已經相當唔錯,去年反彈後,一直喺偏高水平整固,所以值博率喺咁多餐飲股之中係相對高。
Jason又話,百勝市盈率(PE)高唔係市場最擔心嘅事,市場較關注品牌嘅毛利率及受歡迎程度,所以百勝高PE唔會成為投資者走貨嘅動機,反而令市場有正面睇法。
![]() | 李偉傑 華盛證券財富管理部董事 |