【財經TOP SEARCH】泡泡瑪特破到呢個位有排升

【Now財經台】截至早上11時止，1小時內《彭博》用戶搜尋量最多港股，依次為申洲國際(02313)、聯想集團(00992)、泡泡瑪特(09992) 、美團(03690)及小米集團(01810)。

泡泡瑪特今日(4日)造好，重上「紅底股」行列，佢都係出海股，主攻海外市場，所以內需持續疲弱對佢都冇影響，麥格理更首予「跑贏大市」評級，目標價111元，因為集團持續喺海外擴張，可以帶動收入，股價有望重返早年108元高位，建唔建議繼續買入？

大唐資本投資策略部總監盧志明指，泡泡瑪特有幾大賣點，首先係海外市場表現理想，集團又有主題公園及遊戲業務，知識產權(IP)做得十分成功，呢啲因素都可以推高盈利。佢又話，若股價再向上，就會迫近108元，提醒投資者要謹慎應對，若成功突破108元，升勢可以維持一段長時間，相反，股價就會喺高位反覆，提醒投資者要小心。