【專家分析】阿里新AI大模型先搶市佔率
【分析】 2025/02/03 16:35

【Now財經台】阿里巴巴(09988)股價今日(3日)逆市造好,一度升逾6%,高見94.1元,內地人工智能(AI)大模型DeepSeek發布後,阿里旗下通義千問團隊於上周五(1月31日)凌晨,發布人工智能(AI)大模型Qwen2.5-Max,更聲稱超越DeepSeek-V3、OpenAI旗下GPT-4o及Meta嘅Llama-3.1-405B,雖然聽落好吸引,但要變現係咪係咪仍然有好漫長嘅路要走?
博威環球證券金融首席分析師聶振邦指,好多AI公司依家都未有變現能力,現階段主要係搶市場份額,每當有新版本推出,就會吸引到內地人去試用,而當市佔率持續提升,變現功作就會由企業版負責,佢估計,「通義千問」嘅Qwen2.5-Max,有機會吸納更多用戶,從而拉近後續收支平衡嘅距離。
聶Sir相信,AI公司未來都係傾向轉用開源模式做訓練,由於DeepSeek嘅新產品可以免費使用,相信會吸引好多內地用家下載,令市場份額出現變化。佢認為,即使阿里AI業務呢部分仲未成功變現,但只要阿里雲做得好,有更多企業用阿里雲,企業版「通義千問」吸引力自然會提升,對阿里整體收益都有幫助。
![]() | 聶振邦 博威環球資產管理金融首席分析師 |