【期匯決算】美元技術走勢唔差
【分析】 2025/01/27 15:58

【Now財經台】美國總統特朗普(Donald Trump)指,可能向南美洲盟友哥倫比亞嘅商品加25%關稅,分析普遍認為,由於當地有逾30%出口係去美國,基於呢個因素,哥倫比亞最終特朗普提出嘅條件,包括遣返哥倫比亞非法移民。特朗普關稅呢招暫時都好似幾有效,美匯指數連跌兩周後,今日(27日)回穩,如果聯儲局議息後真係按兵不動,短線可唔可以刺激美元向上?
亨達集團助理總經理羅明立指,作為全球第1大經濟體,美國當然有一定嘅談判籌碼,但都要逐個對手睇,美匯指數近期都有一個幾大調整,但美匯指數去到107水平應該差唔多,特朗普之前喺世界經濟論壇公開要求聯儲局立即減息,呢個只係一個短期炒作。
Patrick又話,中長期睇,美國經濟表現比其他國家好,喺呢個情況下都應該要減息,喺呢個情況下美元唔會大跌,如果美匯指數守得住107水平,即50天線,技術走勢唔會太差。
![]() | 羅明立 亨達集團助理總經理 |