【專家分析】「軍工黑名單」事件無礙寧德時代港IPO？

【Now財經台】港股今日(7日)焦點肯定係美國國防部公布嘅「軍工黑名單」，其中，有意來港上市嘅寧德時代亦上榜，集團2024年底已計劃嚟香港上市，發行唔多於總股本5%嘅H股，雖然寧德時代仲未公布實際上市時間表，但被美國列入「軍工黑名單」，會唔會推遲上市計劃？

天風國際證券經紀業務部董事李偉傑相信，寧德時代唔會改變來港上市嘅時間表，因為事件對集團影響有限，事實上，市場反應亦唔算大，寧德時代A股今日跌幅唔算大，不過，由於寧德時代嚟香港掛牌係希望向外推廣，因此，相信公司來港上市前會先釐清事件，令國際市場唔會聚焦呢件事，有利拓展公司品牌。

Jason又話，美國候任總統特朗普(Donald Trump)上場後，事件或會出現變化，「上榜」企業或會同美國政府進行談判，未來要繼續留意事件對寧德時代嘅影響。