【名家給力場】炒Bitcoin「大戶」MSTR食得鹹魚抵得渴

【Now財經台】金融科技公司SoFi Technologies(SOFI.US)股價靠人工智能(AI)技術，今年已累升逾50%，到底AI為公司帶嚟咩好處？此外，比特幣(Bitcoin)持倉大戶，狂掃Bitcoin嘅企業軟件商MicroStrategy(MSTR)股價，喺Bitcoin價格升唔停之下，股價昨晚(21日)突大冧逾16%，原來畀沽空機構香櫞研究(Citron Research)狙擊，投資者應對點應對？

冠域商業及經濟研究中心主任關焯照解釋，SoFi本身係做學生貸款生意，有咗AI可以幫公司挑戰更合適嘅借貸對象，令拖欠比率顯著下降，加上SoFi開始發展金融借貸服務，產品種類大增，現時AI商業應用比例已達27%，相信未來仍有好大上升空間。

至於MSTR，關博士就話，Bitcoin已出現史上最大泡沫，MSTR股價之前急升，係靠槓桿出售Bitcoin，股價昨日因被香櫞狙擊而急挫，反映公司易受消息影響。佢又提醒，若Bitcoin價格繼續升，MSTR短期仍可保持強勢，但當Bitcoin價格見頂，股價就會急插，形容投資者要「食得鹹魚抵得渴」。