【FINTERVIEW】博光伏股翻身未喺時候

【Now財經台】早前，內地光伏企業盲目擴產，導致光伏市場一直供過於求，中央最新推出政策協助行業減產，對光伏相關股未來走勢有咩影響？

金馬資本管理交易策略師蘇沛豐認為，政策係會加快推動行業調整，而龍頭企業會有優勢，捱過咗行業低潮後，盈利又會錄得增長，但佢提醒，投資者唔好咁快就博光伏股會出現升浪，始終整體中資股氣氛仍然較差，加上行業仍然係產能過剩，利潤率又偏低，即使呢類股份唔再跌，但咁快博可以翻身會錯失機會成本，所以最好再觀望一段時間。