【專家分析】玩美股吼個股好過炒指數

【Now財經台】市場關注俄烏衝突事態發展，美股3大指數昨晚個別發展，道指4連跌，但納指及標指都有得升，高盛重申標指明年底見6500點嘅目標。美股短線表現其中1個關鍵因素，就係今晚(20日)收市後出爐嘅英偉達(Nvidia)季績，市場預期會交到一份靚業績，又估計股價未來1年睇升1倍，加上之前沃爾瑪(Walmart)季績好過預期，集團再上調年度銷售預測，畀咗一個樂觀前景指引市場，刺激股價破頂。

潤淼資產管理董事盧志威指，依家市場焦點都係睇返業績，Walmart美國本土銷售較强勁，亦睇好今年「Black Friday」銷售，整體嚟講都係靠業績基本因素推動。

美股方面，佢認為，去到現水平，明年底目標價及估值都係高，但因為公司表現夠強，所以買指數同買公司概念係好唔同，個股方面就可能出到好似Walmart呢啲強勢股，股價今年已累升約60%，因此，暫時都係聚焦個別公司較好。