【財經TOP SEARCH】快手呢浸升浪可延續至放榜後？

【Now財經台】截至早上11時止，1小時內《彭博》用戶搜尋量最多港股，依次為小米集團(01810)、新世界發展(00017)、中國石油股份(00857)、快手(01024)及中國人壽(02628)。

快手就快出業績，股價今日(19日)喺放榜前造好，一度升逾3%，高見51.8元。今年「雙11」銷售及氣氛好轉，但京東集團(09618)股價似乎受惠唔到，績前績後都受壓。快手股價放榜前造好，業績後會點走？

富途證券首席分析師譚智樂指，近期快手股價可以逆市升，主要係海外業務增長強勁，市場預期，每日活躍用戶(DAU)亦會有好表現。

Arnold又話，業績整體表現好壞唔一定直接反映喺股價單日表現，有機會業績前已經反映咗，例如小米股價喺業績前已衝破10月8日高位，大幅跑贏大市，但預期業績短期會有壓力。佢又指，快手股價同大市比較，表現屬於中規中矩，股價會唔會繼續升就要留意每日活躍用戶表現，佢建議，冇貨嘅投資者繼續審慎觀望。