【期匯決算】泰國央行換行長 減息步伐有機加快

【Now財經台】泰國前財長吉迪拉(Kittiratt Na-Ranong)好大機會接任央行行長，吉迪拉一直不滿央行政策，泰國政府亦曾多次向央行施壓減息，如果真係由前財長接任央行行長，泰國係咪會加快減息步伐？泰銖係咪會繼續貶值？

連連STAR FX總經理陳欣指，如果新央行行長同政府取向一致，減息步伐有機會加快，依家當地通脹低過目標水平，係有條件減息。

泰銖方面，特朗普(Donald Trump)所屬共和黨未來有機會主導兩院，若美元轉强，泰銖有機會加快貶值。不過，如果中國刺激經濟政策有效，當經濟好轉會帶動一眾亞洲貨幣造好。佢又話，泰銖中短線有機會進一步貶值。