【專家分析】大行開始對網易冇耐性

【Now財經台】網易(09999)股價今日(25日)高開低走，早前集團重磅遊戲《燕雲十六聲》要押後至第4季推出，隨著遊戲收入基數開始高，第3季表現係咪有機會跌Watt？《燕雲十六聲》係咪都可以撐一撐股價？

元宇證券投資總監林嘉麒指，網易股價之前出現調整，反映投資者對集團業績及新遊戲推出時間不斷押後，大行對網易嘅耐性開始唔多，不過，如果網易可以有遊戲提早推出，帶動到第4季業績表現，可能會有資金偷步炒作，令股價上返去。

KK又話，網易股價過去兩個月走勢都幾差，但仍有機會出現旗形突破，若投資者仍對網易有信心，可以考慮做中長線博反彈部署，但短線動力唔係好夠，主要係欠缺短期催化劑。