【專家分析】美企業績交到貨？

【Now財經台】華府支出觸及債務上限，加上投資者憂慮息口高企拖累經濟，美股3大指數噚隔齊齊失守50天線，依家只有道指仲守得住200天線，但市場普遍認為，嚟緊呢個星期，甚至未來幾個交易日都可能守唔住，道指有可能下試舊年9月、10月低位，即30000點以下水平。美股業績期已經展開，市場會有咩寄望或憧憬？

高富金融集團投資總監梁偉民指，始終經濟走下坡，一定對公司業績有影響，所以市場唔會有太大期望。佢又話，睇返舊年公司業績，反映高通脹會蠶食企業盈利，因為企業面對高生產成本，但未必可以百分百轉嫁畀消費者，變相要企業硬食，繼而影響企業毛利。

Wyman續指，依家出咗業績嘅企業中，有70%表現好過市場預期，已算中規中矩，只要業績唔太差，對市場嚟講已經係好消息。