【期匯決算】Yen繼續睇升？

【Now財經台】雖然日本舊年11月通脹創40年新高，日本央行一度轉鷹惹嚟市場揣測，但日央行噚日議息後按兵不動，日圓應聲插水，曾見131水平，不過，日圓今日反彈，截至今日下晝3點，G10貨幣兌美元普遍要跌，只有日圓及瑞郎向上，最新喺128水平上落，係咪反映噚日跌過龍？

亨達集團助理總經理羅明立指，日央行行長黑田東彥都講過，政策調整需要一啲時間做評估，加上依家冇進一步放寬孳息曲線控制範圍嘅迫切性，佢估計，市場仍認爲日央行貨幣政策仍好大機會轉向，黑田東彥任期會喺4月屆滿，喺美國放慢加息步伐，同埋日央行可能收緊貨幣政策下，估計日圓仍有上升空間。