【專家分析】點解聯想可保住PC一哥地位？

【Now財經台】聯想集團(00992)股價連跌4日，累跌近9%，跌至1個月低位，暫時係今個星期表現第6差藍籌，點解聯想股價會突然轉弱？全球個人電腦出貨量按年跌28%，差過預期，而聯想出貨量1550萬，按年跌逾28%，但仍然係PC市場一哥，係咪因為聯想出貨量跌，拖埋股價落去？

英皇證券研究部總監陳錦興指，呢個數據的確對市場有啲影響，之前聯想股價係跟大市升咗上去，近日走勢轉弱，反映基本因素較弱，其實整個行業都差，舊年手機、PC等都受影響，因為聯想都有呢兩瓣業務，所以影響較大，而聯想一向係PC一哥，但只係因為聯想市佔率跌幅，細過整體行業，所以出現維持到一哥地位兼市佔率上升嘅情況，事實上，公司銷售動力並冇增加，而市場較重視嘅核心業務基本面，仍處於疲弱狀態。