【專家分析】美股季績期要睇實金融股

【Now財經台】據BBG引述來自歐央行官員消息指，歐央行下個月應繼續加息0.5厘，但3月可能僅加息0.25厘，又指歐央行內部有人支持呢個做法，但市場對呢個消息冇太大反應，美股3大指數噚晚個別發展，隨著美股季績期殺到，市場焦點係咪落喺公司業績？美股後市又會點走？

獨立股評人聶振邦指，歐洲及英國著眼點唔同，歐洲方面暫時仲係關注通脹，言論多數圍繞議息政策、貨幣政策等，但美國CPI連續6個月回落，聯儲局有放慢加息步伐嘅條件，睇到歐美情況完全唔同，但資本市場會傾向關注美股，如果聯儲局放慢加息步伐，焦點會落返公司業績，估計市場會較關注金融股，因為可以預視美國未來經濟狀況。

聶Sir又話，一旦聯儲局放慢加息步伐，資金就會開始轉移，而科技股已跌到2021年水平，調整幅度達40%，相信會吸引到資金買貨，而美股3大指數中，佢預期道指有機會跑輸，而標指上升機會則較大。