【槓桿致勝】藥明生物牛仔較值博

【Now財經台】藥明生物(002269)大股東減持套現，股價今朝應聲下跌，依家係咪開好倉嘅好時機？不過，今朝成交活躍嘅CALL，行使價喺80元水平，槓桿只得3倍，至於牛證距離收回價約10%，槓桿做到5倍至7倍，係咪牛證較值博？

中薇證券研究部執行董事黃偉豪指，藥明牛證較值博，其實減持消息唔算太負面，配售價折讓幅度亦唔係特別大，加上牛證槓桿做到5倍至7倍，距離收回價仲有10%價外，即市收回風險唔大，藥明股價由去年10月底低位計，至昨日已累升逾1倍，由於升勢較急，扯高咗引伸波幅，揀CALL冇咁著數。

Ravi又認為，可以等藥明股價企穩10天線，即69元水平先做部署，高位可上望77.4元，見68.9元、69元入手可以部署，短期止蝕位擺67元。