【專家分析】A股、人仔有排升？

【Now財經台】內地重磅經濟數據出爐前夕，A股及人仔持續強勢，人仔走強除受惠於弱美元外，內地經濟復常吸引資金流入亦係一大重要因素，外資透過滬深港通連續9個交易日淨流入A股，今年交易額已逾798億人仔，而去年淨流入僅約800億人仔。內地經濟重啟先啱啱開始，係咪意味A股仲有排升？人仔強勢又可唔可以持續？

潤淼資產管理董事盧志威指，過往資金喺農曆新年前流入內地股市嘅速度都比較慢，但今年就蜂擁流入，而人仔升幅亦出乎意料地急，相信都同經濟重啟有關，令資金加快湧入。佢又話，由於內地對某啲行業嘅監管放鬆咗，呢個都係人仔及A股穩步向上嘅原因。

William又話，要留意一旦人仔升值太快，人民銀行可能會「收一收」，但人仔整體走勢仍然向好。