【名家給力場】小心美股興倒轉炒(上)

【Now財經台】踏入2023年美股走勢都幾反覆，市場睇住D經濟數據同聯儲局官員講話，隔晚聯儲局主席鮑威爾講話會繼續加息壓低通脹，美股有得升，點解讀佢番說話？

「股市漁夫」創辦人莊志雄指，鮑威爾口風冇變，美股已經連跌4個星期，依家夾番上去好正常。佢提醒，市場似乎同大家嘅預期倒轉，好多人預期鮑威爾講嘢好「鷹」，但股市又繼續夾升。

Lewis預期，美國消費物價指數(CPI)會見頂回落，但唔認為今年會回落至2%，所以聯儲局要維持比較緊縮嘅狀態，如果星期四公布CPI數字低過預期，都未必代表個市會再升多啲。