我的股票

    名稱 現價 升跌

    資料報價延遲十五分鐘

    【專家分析】京東仲有25%水位?

    【分析】 2022/12/05 17:21

    【Now財經台】上月起唔少股份都紛紛自低位反彈,依家仲有咩股份可以吼?雖然大市仲未收復250天牛熊線,仲有逾千點距離,但唔少藍籌已上返250天線,例如中國移動(00941)、中國海洋石油(00883)、銀河娛樂(00027)、金沙中國(01928),至於京東集團(09618)就係首隻搶閘收復牛熊線嘅科技股,係咪值得睇高一線?

    華盛証券分析師聶振邦指,依家熱炒嘅內地科技股及內房股,雖然呢啲股份要面臨市盈率(PE)或市帳率(PB)較高嘅考驗,但未來兩個月仍可以考慮追入,如果想做半年或以上嘅部署,可以考慮較為穩健嘅基建股,或內地電訊設備股。

    聶Sir又話,ATMJ之中,京東比較少行業規管消息,加上近兩年嘅「雙十一」購物節GMV增速都比阿里巴巴(09988)更快,所以京東可睇高一線,依家京東PB約3倍,當內地復常後應可升至4倍,而股價起碼有25%潛在升幅,後市可上望270元,甚至280元,現價約240元,可以考慮吸納,又或者等恒指呢幾日急升後,可能會出現回調,屆時可以等京東落返225至230元再買入。

    聶振邦
    博威環球資產管理金融首席分析師