【專家分析】大家樂疫後復甦路難行？

【Now財經台】大家樂(00341)中午出咗中期業績，多賺逾33%，如果按季睇，第2季表現較第1季明顯復甦，不過，睇返爆發疫情以來，餐飲業係其中一大重災區，雖然大家樂收入仍達疫情前80%至90%，但盈利就只有疫情前唔夠一半，點睇公司疫後嘅復甦能力?

英皇證券研究部總監陳錦興指，疫情前大家樂嘅業務模式係做快速餐飲，內地業務亦做得唔錯，增長強勁，但疫後香港嘅生意差咗，因為內地疫情反覆，令生意長期受影響，對盈利打擊係較大，公司生意唔好，但電費、水費等開支係必須，加上通脹持續，令毛利率繼續受壓。

Stanley又話，疫情期間，大家樂仍擴充門市，未來要留意新開門店嘅業務發揮到唔到位，相信要等內地及香港疫情受控，內地放寬防疫措施先會發揮到規模效應，令門市銷售增長加快，繼而帶動收益及毛利率上升。