【專家分析】OPEC冇增產誘因

【Now財經台】石油輸出國組織(OPEC)早前再下調全球石油需求預測，不過，噚日《華爾街日報》爆料，話油組及盟友(OPEC+)考慮掉頭增產，消息一出即震散油價，其後沙特阿拉伯急急澄清，指OPEC堅持減產，油價亦喘定返。除咗環球經濟因素，近排內地疫情再升溫，OPEC似乎真係冇增產嘅理據？

潤淼資產管理董事盧志威指，OPEC增產呢個講法唔太合理，站喺OPEC角度，油價喺每桶約80至100美元水平，係一個佢哋覺得舒服嘅水平，除非需求出現好大變化，否則，OPEC都希望維持喺呢個range。

William又話，最近因爲加息及通脹問題，導致經濟降溫，基本上油價向下嘅機會較大，喺呢個情況下，突然掉頭增產嘅誘因及機會都唔係太大。