【FINTERVIEW】內房融資死結難解

【Now財經台】中國政府推出「16條」措施支持房地產市場，包括鼓勵金融機構和開發商自主協商，對開發貸款、信託貸款等存量融資合理延期，又要求穩定建築企業信貸投放。消息一出，刺激內房股繼續大幅炒上，多隻錄得雙位數升幅。今次新政策嘅支持力度係咪比之前大？內房股升勢係咪可以持續？

高富金融集團投資總監梁偉民指，內房股近日氣氛明顯好轉，因為新一輪政策相信可以幫到手。之前內地放寬民眾買樓限制，但由於民眾睇淡樓價，加上驚發展商交唔到樓，因此，銷售始終谷唔起，亦解決唔到發展商無辦法融資呢個重要問題，因為發展商周轉唔到，民眾對買樓有戒心，樓盤賣唔出，形成惡性循環，令內房財困問題雪上加霜。

不過，Wyman認為，新政策喺融資問題上未必完全幫到手，要睇銀行一方會唔會用力執行新政策，而貸款延期對質素差嘅內房亦幫助唔大。佢又話，市場依家最期望貸款市場重開，或銀行放寬貸款要求，先拯救部分質素較好嘅內房。