【FINTERVIEW】港股17000點係阻力位？

【Now財經台】港股上周五好似大奇蹟日咁反彈，升勢亦有成交配合，依家港股要炒得上，市場重點睇內地嘅清零政策，上周傳出成立咗一個有條件放鬆政策小組後，大市炒上，但去到周末，國家衛健委又重申，堅持動態清零不動搖，究竟股市會唔會築底反彈？

富邦銀行(香港)投資策略及研究部主管潘國光指，技術上港股屬極度超賣，技術面已經準備好反彈，只係需要刺激因素，內地清零政策放鬆就成為刺激反彈嘅消息，但預期放寬不會是短期內嘅事；預期12月初中央工作經濟會議先較大機會有相關嘅討論，冇官方消息下，大市上升動力未必好大，大市上去17000點會係阻力位。