【專家分析】零跑符合兩個「條件」可坐住博見5字頭

【Now財經台】內地電動車製造商零跑汽車(09863)聽日首掛，招股反應冷淡，公開招股認購率得16%，最終以下限48元定價。

華盛証券分析師聶振邦指，公開招股未獲認購嘅股份，會撥到大戶參與嘅國際配售部分，而20大持股人士獲配嘅股份，合共佔街貨量91.51%，貨源極度集中，因此，大戶有極強嘅控價能力，有助零跑聽日首掛可企穩喺上市價48元水平。

不過，聶Sir補充，零跑上市首日「破發」機會唔大，因為上市前股東嘅持股唔少係設有半年禁售期。

聶Sir建議有貨嘅投資者，如果零跑暗盤價比上市價高8%至10%，可以等聽日先沽貨賺差價，相反，如果暗盤最終低過IPO價，但上市頭2至3日可以企穩喺46元樓上，可以持貨觀望，等升上50至52元再沽貨離場。