【FINTERVIEW】中央或要12月先出手救A股

【Now財經台】中共「二十大」將於10月16日召開，《路透》噚日報道，內地監管機構要求上海及深圳嘅基金經理、券商喺「二十大」前避免大規模拋售股票，維穩股市。過往每逢有重要會議召開，好多時都有維穩行情，點睇今次嘅情況？

臻享顧問董事總經理王良享指，喺環球股市大吹淡風下，內地監管機構有機會針對太高槓桿嘅活動進行監察，但講到明想維穩嘅機會唔大，原因係美國年底前仲有兩次議息會議，上星期嘅議息結果市場都唔太滿意，代表美國可能仲會加息1.25厘，甚至更多，因此，依家托高個市其實作用唔大，相信等到美國加完息，12月先出手托市嘅機會較大。