【期匯決算】英鎊反彈後隨時掉頭

【Now財經台】英鎊日前出現恐慌性抛售後，終於出現反彈，一度上返1.09，最新喺1.08水平徘徊，係咪代表英鎊已見底，還是彈完之後會再跌過？

資深外匯分析師陳欣指，依家市場明顯對英鎊冇信心，不論英鎊基本面或英國經濟都係麻麻地，英倫銀行亦預期當地經濟第4季會步入衰退。此外，新政府推出50年以來最激進嘅減稅方案，即時震驚市場，因爲涉及大舉發債，見到孳息率升但英鎊跌，反映市場冇信心之餘，亦有資金流出，或令英國赤字進一步惡化。

Chase又話，喺欠缺基本面支持下，唔排除英鎊只係技術反彈，如果短期上唔返1.15，可能掉頭跌到之前低位，所以未喺時候撈底。