我的股票

    名稱 現價 升跌

    資料報價延遲十五分鐘

    【名家給力場】點陣圖「預告」減息唔使諗

    【分析】 2022/09/22 15:52

    【Now財經台】聯儲局自8月全球央行年會後,決意不惜犧牲經濟都要加息遏通脹,聯儲局噚晚議息後宣布再加息0.75厘,市場嚟緊要做好心理準備,喺11月及12月兩次議息會議中,起碼有一次會再加息0.75厘,若再憧憬美國明年開始減息係咪不切實際?

    臻享顧問董事總經理王良享指,聯儲局最新嘅點陣圖為市場帶嚟驚嚇,因為聯邦基金利率年底嘅中位數係4.4厘,明年更升到4.6厘,可能有投資者憧憬明年3月息口封頂後,第2季可以開始減息,但點陣圖就話畀投資者知係「諗多咗」,加上聯儲局官員將今年美國經濟增長預測,由6月1.7%大幅降至0.2%,王良享認為,可能0.2%都有啲「水分」,因為聯儲局官員唔想拋出一個負數,不過,如果想彌補今年首兩季嘅負增長,第4季GDP起碼要有2%增長,而市場亦好清楚係好難做得到。

    王良享
    臻享顧問董事總經理.