【專家分析】全球加息潮明年結束？

【Now財經台】美國聯儲局公開市場委員會今起一連兩日舉行議息會議，美股喺開會前終止兩連跌，美匯指數就喺高位回套，不過，債息繼續衝高，商品方面，金價喺29個月低位徘徊，國際油價就反覆上升，主要係繼續受供應緊張憂慮帶動，應該點解讀資產價格喺議息前嘅走勢？

潤淼資產管理董事盧志威指，美股噚晚算做得幾好，主要係投資者認為聯儲局好大機會加息0.75厘，資產價格反映市場暫時已經接受咗呢個加幅，佢估計，加息潮去到明年差唔多可以停止，因爲見到唔少公司業績開始轉弱，一旦需求轉弱，通脹亦會降溫。

William又話，轉折點應該喺明年，相信捱埋今年就會有好轉，因此，預期資產價格短期續受加息影響而向下，至於商品價格亦會逐步反覆回落。