【名家給力場】萬物雲唔怕港IPO冷鋒
【分析】 2022/09/19 15:25
【Now財經台】港股市況一直冇起色,恒指逐步下試今年3月低位,不過,由萬科企業(02202)分拆嘅物管公司萬物雲(02602)今日起招股,睇返公司網頁,集團對定位嘅形容有啲「虛」,話係獨一無二由社區、商企及城市空間3大業務體系嘅空間科技服務商,係咪唔止物管股咁簡單,到底係公司賣點,還是弱點?
《香港股票財技密碼》作者梁杰文話,相信萬物雲係刻意淡化物管定位,可能想用一個新穎嘅賣點吸引市場,事實上,本港今年新股集資非常慘淡,加上市場已經有唔少已上市嘅物管民企、國企,如果萬物雲想爭取更高估值,或者想喺招股期間,帶出其他賣點吸引投資者,不過,物管業務佔集團整體收入逾半,如果以舊年收入計,萬物雲屬內地物管龍頭,再加上半國企嘅身份,雖然港股市況較差,但相信市場未至於會完全冷待萬物雲。
梁杰文 《香港股票財技密碼》作者 |