【名家給力場】通關概念股吼呢2隻

【Now財經台】最近市場充斥壞消息，恒指今日又下試半年低位，一度低見18678點。不過，有2隻旅遊相關股，國泰航空(00293)及新秀麗(01910)逆市造好。冠域商業及經濟研究中心主任關焯照指，其實之前市場憧憬嘅通關概念到依家仲未過時。

關博士表示，政府除咗上周六免除機組人員檢疫，最近又不斷宣傳11月嘅國際金融投資峰會，認為呢啲都係港府想同外圍連接，鋪路進一步放寬檢疫措施嘅跡象。佢又話，雖然國泰業績唔算亮麗，但股價之前跌得太多，預期喺通關憧憬下，股價可望喺1季內升穿9元。

至於近日曾升至2年半高位嘅新秀麗，關博士預期，股價1至2個月內有望升至22元，現價同摩根士丹利目標價26元，仲有30%水位。