【FINTERVIEW】點解港交所打硬科企主意?
【分析】 2022/09/15 11:26
【Now財經台】呢排港股成交持續淡靜,唔知係咪見到生意麻麻,港交所(00388)都要諗諗計,據《彭博》噚日報道,港交所有意降低新科技公司嘅上市門檻,研究喺上市規則中新增一個章節,容許AI、晶片、自動駕駛等企業來港上市,港交所呢個構思係咪想博一博,希望呢啲硬科技股可以幫手搞返旺個市?
光銀國際董事總經理兼研究部主管林樵基指,港交所之所以選擇依家研究放寬上市限制,目的係為嚟緊1年,甚至幾年後嘅發展鋪路,始終其他金融中心都有硬科技股呢類熱門股份上市,另一方面,港交所亦確實希望借新興產業股搞旺個市,吸引資金來港,港交所亦可以喺新興產業公司上市賺返筆。
林樵基 光銀國際董事總經理兼研究部主管 |