【槓桿致勝】中海油CALL點部署？

【Now財經台】石油輸出國組織及盟友(OPEC+)宣布，10月起每日小幅度減產10萬桶，係逾1年以來首次，刺激國際油價一度急升4%。中國海洋石油(00883)股價今朝唔算升得多，值唔值得用行使價11元以上嘅CALL，約6至7倍槓桿去放大升幅？

中薇證券研究部執行董事黃偉豪指，最近油價處於反彈格局，最新嘅消息令油價有條件再反彈，加上依家中海油股價企喺所有平均線上之餘，仲延續緊反覆向上嘅格局，雖然唔少股價利好因素已經喺過去大半年反映咗，依家做部署未必可以捕捉到好大升幅，但投資者可以用短期策略，用CALL或好倉放大槓桿，睇好中海油向上，下一站可以睇6月初高位，即10.94元，目標價擺喺11蚊邊。