【專家分析】聶Sir:美下月加息要睇埋天氣

【Now財經台】美國CPI、PPI回落，加上新領失業救濟人數繼續升，連串數據係咪可以確認美國通脹將會見頂？係咪意味聯儲局可以放慢加息步伐，甚至加息行動暫時可告一段落？

華盛証券分析師聶振邦指，聯儲局9月再議息，所以要睇埋下個月嘅通脹數據，先會有一個較明確嘅方向，如果睇返最新嘅利率期貨，9月加息0.5厘嘅機會高過0.75厘，暫時睇嚟下個月加息放緩嘅機會較大，不過，近期油價回落，相信同油價太貴令消費者節流有關，但到9月底或10月天氣開始轉冷，石油需求就會回升，近日紐約期油及倫敦布蘭特期油都有回升跡象，若紐油上升每桶100美元，企業嘅戒心就會增加。