【期匯決算】美匯指數短期難轉勢

【Now財經台】美國上月通脹低過預期，美匯指數跌逾1%，逾兩個月以來首度收喺50天線以下，雖然聯儲局話明年仍要加息，但美匯指數繼續向下，美國通脹係咪已經見頂？美匯指數跌夠未？

亨達集團助理總經理羅明立指，美國通脹近期的確開始有見頂回落跡象，主要係油價自高位回落咗唔少，但現階段話通脹已見頂屬言之尚早，聯儲局官員近期嘅講話都偏鷹，雖然噚日公布嘅CPI低過預期，但其實仍處於高位，最多只會令局方9月加息幅度細啲，市場依家都係搵藉口去做倉位調整。

佢又話，美匯指數跌穿50天線後，未來有機會持續受壓，可能會再跌深少少，但轉勢機會唔大。