【專家分析】美半導體股睇長線
【分析】 2022/08/10 11:03
【Now財經台】美國今晚會出通脹數據,加上半導體巿場傳來不利消息,美股3大指數噚晚全線受壓。美光下調季度收入預測,拖累股價挫近4%,由於行業前景唔明朗,令原本上月底大升10%嘅費城半導體指數都要跌,晶片股未來係咪要繼續捱沽?
艾德證券期貨投資策略總監文錦輝指,由於巿場擔心美國經濟衰退,導致晶片業訂單減少,不過,半導體屬於高端科技,其中新能源汽車對晶片嘅需求好大,所以唔使擔心行業前景。
Felix又話,若通脹持續高企,投資者只會短暫沽科技股,長線而言,資金都會擺返落去增長股,所以現階段唔使心急入貨。
文錦輝 艾德證券期貨投資策略總監 |