【專家分析】一個誤傳！炒錯磚頭股

【Now財經台】行政會議召集人葉劉淑儀接受《彭博》訪問時指，考慮放寬內地買家雙倍印花稅，不過，政府之後急急澄清，話冇傾過冇考慮過，雖然地產股午後升少大截，但普遍維持到約2%升幅，未至於打回原形。今次炒錯咗係因為市場太興奮，因為近期難得有好消息？

英皇證券研究部總監陳錦興認為，今次呢個同地產相關嘅消息，的確有好大刺激作用，但諗深一層其實可能性暫時唔係咁高，消息係由《彭博》嗰邊傳出，之後喺市場快速流傳，刺激地產股急升，帶動恒指上返20000點樓上。Stanley指，一連串新聞及技術操作令市況有啲波動，但政府澄清後，大市又變返悶局，估計港股市況暫時唔會有太大變化。