【期匯決算】美匯指數守唔守到105？

【Now財經台】踏入8月，美匯指數延續上周弱勢，聯儲局官員話要加息遏通脹，美國ISM製造業指數擴張速度係兩年來最慢，亞特蘭大聯儲銀行預期，美國今季經濟增長1.3%，較上周預測2.1%顯著放緩，反映市場擔心經濟衰退。美匯指數5月底落到50天線，即105水平就有反彈，依家再逼近50天線，今次係咪守得住？

資深外匯分析師陳欣指，自第2季GDP出爐，顯示美國經濟步入技術性衰退，美元持續弱勢，美匯指數守唔守得住50天線，要繼續睇經濟數據，因為係聯儲局加息嘅依據，如果稍後公布嘅通脹數據，反映通脹見頂，加息嘅步伐就唔會好似之前咁快，如果數據支持聯儲局繼續走鷹派路線，相信美匯指數可以守住105水平。