【財經TOP SEARCH】勿亂撈！小米快下試$10.3

【Now財經台】截至早上11點止，1小時內《彭博》用戶關注度上升最多港股，依次為小米集團(01810)、中芯國際(00981)、金沙中國(01928)、騰訊控股(00700)、遠洋集團(03377)。

今日所有上榜股都要跌，其中以小米跌得最多，集團將會喺8月底出中期業績，基本上大行都預期小米第2季收入下跌，跌約20%，經調整盈利料按年大跌近70%，主要是智能手機市場需求疲弱，唔少市場研究機構數據顯示，小米第2季出貨量持續下跌，第2季表現差係意料之內。

大唐資本投資策略總監盧志明指，睇返行業層面，今年預咗會有個缺口，唔止小米，其他同業都顯著放緩，小米銷量及出貨量反映依家係換機淡季，因此，小米過去一段時間業績都麻麻，而股價只係在5月、6月借勢升咗一浸，之後回歸基本面就見到公司傳嚟好多壞消息，相信股價今日仲未跌夠，又預期好快會下試10.3元低位，甚至會跌穿，冇貨嘅投資者唔建議急於喺呢個位入手。