【槓桿致勝】恒指支持位睇...

【Now財經台】市傳美國眾議院議長佩洛西今晚訪台，市場憂慮令台海局勢再升溫，恒指今朝一開市已失守20000關，喺咁多不確定因素下，恒指會跌到邊個位？投資者做部署時係咪要更加審慎？

中薇證券研究部董事黃偉豪指，不明朗因素除咗經濟衰退、內地爛尾樓風波外，最新當然係台海問題，港股短期走勢會較弱，依家已跌穿所有均線，不過，以上嘅問題可以變得好快，港股走勢未必係一面倒咁淡，投資者要繼續留意事態發展，現階段恒指支持位可以睇5月低位，即19178點水平，建議博反彈嘅投資者將收回價放喺呢個水平以下，一旦跌穿呢啲位，一定要先行止蝕。