【專家分析】港樓市仍未出現拐點

【Now財經台】摩根大通一份報告指，唔係每個加息周期本港樓價都會跌，摩通又喺報告中大派定心丸，唔使太擔心發展商嘅股價，因為過去22年地產股嘅盈利波動率好低，相比同期二手樓價及一手銷售波動介乎逾10%至20%，但地產股盈利波動率僅1.3%，由於資產負債表及經常性現金流強勁，所以有一定抗跌力，地產股前景係咪應該唔錯？

股評人李偉傑指，在港上市傳統地產股，資產負債表係十分穩健，經營模式係經過幾十年發展，對於美國加息狀況都心中有數，所以地產股韌性或波動係比較細，但點解本地地產股走勢會有咁大分野，關乎佢哋喺呢段期間有冇樓盤推出，同埋銷售情況係咪持續熾熱，但要留意一點，本地建築成本持續上升，因為「麵粉」貴咗，「麵飽」亦自然會貴咗，雖然本港樓市等緊加息，但仲未出現一個拐點，如果年尾可以同外國通關，樓市調整壓力有機會細啲，對本港經濟及樓市都有正面幫助。