【FINTERVIEW】一個神準衰退警號

【Now財經台】近期商品市場都反映對經濟衰退嘅憂慮，例如油價大幅下滑，紐約期油及倫敦布蘭特期油價格都落返雙位數，商品價格大調整，對通脹有幾大紓緩作用？

富邦銀行投資策略及研究部主管潘國光指，10年期嘅通脹預期最新已由3%回落至2.5%，甚至2.2%，將債息拉返落嚟，但債息仍高過通脹預期，出現實質凈利率，長期債券已暗示通脹未來將會回落，但唔係未來2至3個月會發生，而聯儲局見到通脹咁高就繼續加息，到佢加完息，就會經濟衰退，CPI就會插水，油價及商品價格係先行一步，而每次經濟衰退發生時，油價及基本金屬必定跌得好犀利。