【名家給力場】時富投資收購恐怕又「卡關」？

【Now財經台】時富投資(01049)在上星期四收市後公布，提出以每股0.42元，全購時富金融服務集團(00510)，但其實時富系近年差不多每年最少有一單有關全購或增持的交易。2020年尾，時富投資曾提出較當時溢價7.1%的每股0.75元，與時富金融作全購交易條件，但因未達有效接納水平，即佔投票權50%而告吹，似乎呢個先例令市場唔睇好今次交易。

《香港股票財技密碼》作者梁杰文指，2020年尾嘅收購方案距離依家都係一年多啲，現有小股東或投資者仍有印象當時以失敗收場，自然將上次同今次嘅收購條款、性質等作比較，尤其前年提出以每股0.75元作收購，今年作價已大幅調低至0.42元，雖然可能因為股價下跌，或近一年港股下行走熊市導致出價低咗，但始終會令人質疑，「上次0.75元收購都唔成功，今次仲點會有小股東應承？」因此，今次收購可能同樣喺50%投票率上「卡關」而再次失敗。