【專家分析】縮入境隔離受惠股最多炒半個月？

【Now財經台】國家衛健委下晝公布，內地縮短入境隔離時間，由「14+7」放寬至「7+3」，另一方面，市傳港府正研究放寬入境香港嘅隔離檢疫時間至「5+2」，航空、旅遊、零售、賭業股下晝齊爆升，下半年嘅炒作主題係咪放寬檢疫及消費反彈？

獨立股評人李偉傑指，內地隔離時間由21日縮短至10日，衣食住行相關股可以一網打盡，但炒作時間未必會太長，因為上海6月放寬疫情封控措時，零售及餐飲股只炒咗半個月左右，估計今次都係維持約半個月，可唔可以襟炒啲，就要視乎消費意慾。Jason又話，長遠嚟講，科技及銀行股始終比較穩陣。