【專家分析】小心港股「翻身月」調整

【Now財經台】恒指噚日升超過500點，衝上近3個月高位，科指走勢更凌厲，升逾4%，6月暫時累升13%，有機會錄得指數面世以來最大單月升幅。港股近日強勢，基本因素有改善之餘，又有七一維穩憧憬，計埋今日，上半年只淨返3個交易日，港股喺半年結前再上衝動力有幾大？

潤淼資產管理董事盧志威估計，港股6月30前仍可保持強勢，主要憧憬七一會有利好政策，加上內地放寬互聯網監管救經濟，唯一擔心係政策預期較難捉摸，但相信6月30日前都唔使太擔心。

至於港股會唔會高位回落，佢認為仲要觀察，但相信回落幅度唔大，反而擔心今個月急升後，7月會出現中型規模嘅調整。