【專家分析】聶Sir:恒指冇成交配合難破位

【Now財經台】美股3大指數噚晚反覆造好，道指埋單升近200點，納指升1.6%，中概股指數更飆3%，其中汽車股表現強勢，因為近月接連有刺激汽車消費嘅消息傳出。不過，港股表現相對失色，恒指暫時都冇力再破位，港股進一步反彈嘅動力有幾強 ?

華盛証券分析師聶振邦指，雖然有資金流入強勢板塊，但大市成交唔多，日均成交起碼要上返1300億元以上，甚至挨近1500億元，上升動力先會強返啲。

聶Sir又話，恒指持續喺50天及100天線徘徊，最少要連續兩日收喺21500點，先有機會挑戰100天線，即21800點水平，如果成功突破，可以再上望22000點。