【槓桿致勝】美團CALL輪諗得過

【Now財經台】雖然美團(03690)創辦人王興近日減持套現，股價最近都喺200元上上落落，今朝成交活躍嘅美團CALL都係較短身，約10月到期，行使價250元，槓桿4倍至5倍，牛證距離收回價18%，槓桿有5倍，似乎兩邊都可攻可守，係咪都可取？

中薇證券研究部董事黃偉豪認為，兩者條款都OK，但就要考慮到期日，尤其CALL輪比較短身，要考慮時間值損耗問題，兩者槓桿差唔多，正股近期都係一個窄幅上落格局，引伸波幅唔會扯得太高，所以揀CALL都可以。

佢又話，正股近期喺高位整固，下面支持位約180元，上方如果睇得樂觀啲約220元，但可能會有阻力，只要向下冇明顯打穿180元，整體下行風險未必太大。