【專家分析】港股「翻身月」政策憧憬唔大

【Now財經台】港股近期喺21000點拉鋸，下星期五因七一回歸25周年休市，睇返過去10年回歸前，6月下旬嘅市況都冇明顯維穩意味，升市年份只係升約1%，但下跌的話，跌幅較大嘅月份就跌3%至4%。至於7月嘅「翻身月」恒指平均表現亦唔算突出，舊年因為監管因素急挫近10%，依家有冇維穩嘅味道？6月餘下嘅8個交易係咪可以守得住21000點？

潤淼資產管理董事盧志威指，今年少咗一啲政策刺激，例如金融相關政策，但今年就完全冇呢方面嘅消息，好消息憧憬唔大，所以相關效應今年未必會出現，反而要留意科網企業監管會唔會進一步放鬆，利好返相關公司。