【名家給力場】「神準指標」確認美經濟已步入衰退？

【Now財經台】美國聯儲局大手加息，展示遏40年以來最嚴重通脹嘅決心，美股噚晚走勢係5月議息後嘅翻版，即議息後當日急彈，翌日就插水，到底聯儲局不斷加息，解唔解決到高通脹問題？

冠域商業及經濟研究中心主任關焯照指，加息可以解決高通脹問題，但要付出代價，就係經濟下滑，密歇根大學公布嘅6月消費信心指數初值係50.2，創歷史新低，仲低過金融海嘯時期，反映美國人消費情緒非常悲觀，一定會減少消費，關博士又提醒，每次呢個指數低過60，美國經濟一定陷入衰退，美國經濟由消費主導，美國人減少使錢，經濟一定會下滑，佢又認為，美國經濟已步入衰退。