【財經TOP SEARCH】新博彩法隨時令3美資牌主「輸一鋪」

【Now財經台】截至早上11時止，1小時內《彭博》用戶關注度上升最多港股，依次為金沙中國(01928)、澳博控投(00880)、新秀麗(01910)、中國銀行(03988)、遠洋集團(03377)。

惠譽將噢博評級由「BB」降至「BB-」，主要反映市場對澳門賭業復甦信心減弱，除旅客大減，上葡京綜合度假村延遲推出。其實澳門賭業復甦較弱已經講咗一段時間，行業前景係咪好難樂觀？

大華繼顯執行董事梁偉源指，開關仲未有樂觀嘅時間表，對賭業係好大影響，如果一直拖落去，唔知幾時先可以重新吸引賭客去澳門。Steven又話，新修訂嘅博彩法要留意派息呢part，其中金沙每年都派唔少息畀美國母公司，但似乎到依家都冇特別講清楚派息政策問題，市場擔心一旦收緊相關政策，會較難將喺澳門賺到嘅錢派畀母公司，因此，澳門新博彩法對3家美資持牌人影響較大。