【專家分析】 蔚來新SUV貴過Tesla銷售有隱憂？

【Now財經台】蔚來(09866)發布新電動車SUV蔚來ES7，售價介乎逾46萬至逾52萬人仔，最快8月27日交付，蔚來股價今日逆市造好兼跑贏同業，係咪主要受推出呢部新SUV帶動？

耀才證券研究部總監植耀輝指，雖然蔚來ES7賣點多，但定位比較高端，定價仲貴過Tesla Model Y，所以要等正式開售先知道市場反應。

Stanley又話，蔚來嘅電動車售價「有睇頭」，但銷量其實唔係太標青，除非ES7有過人之處，否則銷量未必太好。不過，市場對蔚來仍有一定憧憬，始終出新車對銷量及業務都有一定幫助。